भरतपुर, ५ माघ — नेपाल राष्ट्र बैंकले बैंक तथा वित्तीय संस्थाहरूलाई कर्जाको ब्याजदर घटाउन निर्देशन दिएपछि चितवनको भरतपुर क्षेत्रमा व्यवसायिक गतिविधि बढ्ने आशा गरिएको छ। लामो समयदेखि उच्च ब्याजदर कारण प्रभावित उद्योगी तथा व्यवसायीहरू अब लगानी विस्तारको तयारीमा जुट्न थालेका छन्।
राष्ट्र बैंकका अनुसार पछिल्लो समय बैंकिङ प्रणालीमा तरलता सहज बन्दै गएपछि कर्जाको ब्याजदर समायोजन गरिएको हो। यसले साना तथा मझौला व्यवसायलाई राहत पुग्ने अपेक्षा गरिएको छ।
भरतपुर उद्योग वाणिज्य संघका अध्यक्षले ब्याजदर घट्दा व्यापार–व्यवसायमा सकारात्मक प्रभाव पर्ने बताएका छन्। “उच्च ब्याजदर का कारण धेरै व्यवसाय धरासायी हुँदै गएका थिए, अब विस्तारै आर्थिक चहलपहल बढ्ने विश्वास छ,” उनले भने।
यद्यपि, अर्थ विद्वान ले बजारमा उपभोक्ता माग अझै कमजोर रहेको भन्दै ब्याजदर घट्नु मात्र पर्याप्त नहुने बताएका छन्। उनीहरूका अनुसार सरकारी पूँजीगत खर्च र लगानी वातावरण राम्रो भयमा मात्रै अर्थतन्त्रले गति लिन सक्छ।
स्थानीय सरकारले पनि निजी क्षेत्रसँग सहकार्य गर्दै आर्थिक गतिविधि प्रवर्द्धन गर्ने योजना बनाइरहेको जनाएको छ।